Moldveiddi!!

Er það dregið að sögninni "mokveiddi"?? hef ekki séð né heyrt þetta áður. Eða eru þetta bara skrif ungs og óreynds blaða/fréttamanns??

Risalax í Rússlandi

Til fyrirmyndar

Starfsfólk Alþingis fær ómælt last fyrir ýmis mál en sjaldan lof fyrir það sem vel er gert, þarna ertu Ingibjörg til mikillar fyrirmyndar og mættu aðrir taka til eftirbreytni.

Utanríkisráðherra fer hjólandi í vinnuna

Þarft framtak

Mér líst vel á þetta framtak borgarstjóra og vona að þetta nái tilætluðum árangri, komi jafnframt til með að koma betri skipan á næturlífið, ekki veitir af, það er ömurlegt að horfa upp á glottandi útlenda ferðamenn mynda landann liggjandi ofurölvi, eða í slagsmálum og hendandi rusli og brjóta flöskur hvar sem er. Þá er mjög þarft að taka á málum í leigubílaröðinni bæði í Lækjargötunni og Austurstræti við Hlöllabáta, þar sem rifist og slegist er um leigubílana svo liggur við slysum á fólki og skemmdum á bílunum. Ég þekki þetta vel þar sem ég keyri leigubíl um helgar og oftar ef svo ber undir.

Miðborgarþjónar aðstoða borgarbúa

Þetta eru glæpamenn - lærdómsríkt fyrir íslensk stjórnvöld

Þetta er lærdómsríkt dæmi fyrir íslensk stjórnvöld, hvernig tekið skal á glæpamönnum af ákveðni og undanbragðalaust, en hér viðgengst að gefa þeim jafnvel bara góðlátlegt klapp á bakið, já og bjóða eftirlýstum morðingja í Kastljós RÚV.

Miðað við það sem fram kemur í fjölmiðlum, þá virðast yfirvöld hafa meiri áhyggjur af almennum mótmælum, sem er jú Stjórnarskrárbundinn og lagalegur réttur landans, já frekar en glæpamönnum sem margir hverjir ganga lausir á meðal almennra borgara án afskipta og bíða í einhverjum tilvikum dóms, hver getur skotið loku fyrir að á meðan brjóti þessir aðilar ekki af sér aftur með alvarlegum afleiðingu fyrir alla viðkomandi?

Við skulum vera minnug þess að með baráttu forfeðra okkar, sem er ekki svo íkja langt síðan, höfum við erft réttinn til að láta álit okkar almennt í ljós án afskipta stjórnvalda og til að MÓTMÆLA, réttinn til að semja um kaup og kjör og verkfallsréttinn, við verðum líka að hafa það hugfast að mótmæli munu alltaf valda einhverri röskun á daglegu lífi. Aldrei fyrr en nú er virkileg ástæða til að standa saman þegar á okkur almenningi er brotið, stöndum saman gegn sjálftökuliðinu!!

Sjóræningjar yfirheyrðir

Solla, skömm sé þér, þú hefur breytst og það mikið

Hvar er Solla sem var til í stjórnarandstöðunni, hvar er kjafturinn loforðin og yfirlýsingarnar? Það er greinilegt að þú ert búin að skipta um sæti, komin í mjúkan og þægilegan ráðherrastól og ætlar að halda honum hvað sem gerist, og jafnframt búin að gleyma fortíðinni-grasrótinni. En mundu Solla mín, það líður að kosningum aftur!!

„Ferðamáti ráðamanna skoðist í víðara samhelgi"

Ekki gott fordæmi

Landsfeðurnir "Geir grani og Solla stirða" hafa látið frá sér fara að nú verða landsmenn að spara og athuga vel í hvað krónur og aurar fara, en 8-900 þúsund virðast ekki skipta þetta fólk neinu máli, að vísu sparast tveir vinnudagar, en ekki eru það næg rök að mínu mati til að telja sér ekki samboðið að ferðast með almenningi, en munið það landsfeður góðir, að aftur kemur að kosningum og vali á því hvert atkvæðið fer.

Nú finnst mér eiga við málshátturinn:

Hátt hreykir heimskur sér,

en hærrra sá sem heimskari er.

Forsætisráherra á ferð og flugi

Fjármálaráðuneytið segir ekki allan sannleikann, ekki einusinni hálfan, og það vita allir landsmenn

Þó verð á bensín og díselolíu sé lægra í einhverjum löndum öðrum en Íslandi, þá vita það allir landsmenn að verð á matvöru og ýmsri þjónustu er víðast hvar margfalt lægra en á Íslandi. Þannig að þetta dugar ekki til að berja niður löngu tímabær og réttlát mótmæli.

Bensínverð lægst á Íslandi

Vörubílstjórar þora, þetta er í þágu okkar allra, stöndum með þeim!!

Ef einhver telur sig ekki vita það, þá lifum við í frjálsu landi og höfum rétt til að mótmæla. Vörubílstjórar ætluðu að hafa samráð við lögregluyfirvöld og tilkynntu að þeir ætluðu að keyra að Alþingishúsinu og mótmæla þar, lögreglan gerði sér lítið fyrir og lokaði leiðum, þannig að engan skal undra þó að bílstjórar hafi hætt öllu samráði við lögreglu. Nú er þannig komið, að í staðinn fyrir að lögregla noti skynsemina og leyfi þessum mótmælum að líða hjá, þá er farið að sekta bílstjórana sem eru einfaldlega að gera það sem við ættum í raun öll að gera að mótmæla kröftuglega með sjáanlegum hætti!! Lögreglumenn, þið eigið líka heimili og fjölskyldur sem munu njóta góðs af mótmælum vörubílstjóra, það er komið nóg af ranglætinu og misskiptingunni í okkar fámenna og litla landi, stöndum saman með vörubílstjórum, öll sem einn maður!!

Mikill hiti í bílstjórum